الحلم الذي نتمناه (فلسطين)

قلت لنفسي ماذا تعرف عن فلطسين لكي تدون عنها!
فكرت كتير قبل ماقول الإجابة لنفسي...سكت شوية لقيت نفسي برد واقول فلسطين ده اللي لما الواد بيعدي ال 10سنين لازم يشيل سلاح يدافع بيه عن اهله وعرض ولو استشهد والدته هي اللي تكمل الكفاح...فلسطين يعني الست ب100راجل فعلا...فلسطين الصامدة قدام خنازير الاحتلال...فلسطين الصامدة الي الان امام الهيمنة الإسرائيلية بقيادة ماما امريكا
ده كانت اجابتي البسيطة
اما بقي عن الحلم الذي نتمناه هو تحرير الأقصي...لكن كيف!!!!
قالوها زمان تحرير الأقصي يبدأ من تحرير القاهرة...قد تكون هذه الجملة صحيحة الي حد ما ولكن تحرير القدس يبدأ من لم الشمل...لم الشمل الفلسطيني اولا ثم ثانيا لم شمل الوطن العربي
ولم لا
لماذا لا نتوحد تحت اسم الجمهورية العربية المتحدة
رئيس واحد..له نواب من كل قطر من اقطار الجمهورية العربية المتحدة
جيش واحد..اقتصاد واحد..حكومة واحدة.. شعب واحد
سيتهكم علي البعض ويقولون اتريد دولة الخلافة والرجعية...لا انا لا اريد رجعية او خلافة عصر الخلافة انتهي بموت سيدنا علي ابن ابي طالب رضي الله عنه
انا اريد الدولة الواحدة...اريد الجيش الواحد...أريد الاقتصاد الواحد...اريد الشعب الواحد
عندها فقط ستتحرر فلسطين
كل همي الأن الصلاة في مسجد الأقصي ولو اتيحت لي الفرصة لكي ازور الكعبة سأرفض
كيف اقف بين يدي ربي هنام وعندما اذهب الي قبر رسولنا الكريم واقول له اولي القبلتين الأن محتلة
تحرير القدس يبدأ من الوحدة
الوحدة ليست جامعة دول عربية كل ما تفعله..نشجب وندين..الوحدة هي نسيان الخلاف والأنصهار داخل دولة واحدة عاصمتها القدس
انتهي

بين الحقيقة والخيال..... أغنية حماده هلال

بين الحقيقة والخيال...اغنية حماده هلال
مش قصدي تريقة عالفنان حماده هلال بس حابب اوصل رسالة علي مقطع معين من اغنية له
حماده هلال كان قال قبل كده "شهداء 25يناير ماتو فأحداث يناير"
حماده هلال لا سمح الله مكانش بيألش ولا حاجة هو كان بيؤكد ان شهداء 25يناير...ماتو فعلا فأحداث يناير 
نرجع لموضوعنا الأصلي اللي هو بين الحقيقة والخيال....اغنية حماده هلال
لو استخدمنا المقطع بتاع اغنيةحماده هلال..هنلاقي حاجة غريبة
ممكن كل واحد يستنتجها
ان الخيال بيتحول لحقيقة عن طريق التوكيد
يعني لو فيه فكرة فدماغك ممكن انتا شايفها خيالية...كل مرة بتؤكد انها خيالية وتبتدي ساعات تفكر ازاي حاجة زي كده ممكن تتنفذ
زمان الناس كان بيراودها احلام ازاي يكلمو قرايبهم فدول تانية كل يوم
اعتقد انها كانت فكرة خيالية..... محدش منهم زمان كان هيفكر او يحلك ان يبقي فيه تليفون وموبايل ونت وكده طبعا
الخيال ممكن يتحول لحقيقة بس لو فضلت تفكر ازاي يتنفذ كتير

سأاتي قريبا (بكلم نفسي)

سوف أتي قريبا الي عالمك
سأهرب من هذا العالم الأفتراضي الذي اعيش فيه الأن
سأتي الي عالمك يوم ما
نضحك سويا....نلعب سويا....نفكر سويا....سنكون عونا لبعض
سنتشارك حياتنا كما كنا سلفا
سأغادر هذا العالم الأفتراضي قريبا
سأشاركك لحظاتنا من جديد
سنتكلم انا وانت كما كنا نتكلم سابقا
اعذرني...ان نسيتك وانا في هذا العالم الأفتراضي 
الحل الوحيد لكي اغادر هذا العالم الأفتراضي
..............
.............
.............
.............
سجن الأفتراضية حبسني
اطلع واهرب من العالم ده ازاي
فكرة واحد 
اعمل دي اكتيفيت لأكونت الفيس وتويتر واقفل المدونة
بس سهل اني لما افتح النت بعد كده الأقيني بعمل اكتيفيت بعد كده
 عاوز ارجع لنفسي الحقيقية بقي
اعمل ايه
طب ساعديني يا نفسي لو لسه عاوزاني ارجعلك تاني واسيب العالم الأفتراضي ده
نفسي:مش عارف ارد عليك بأيه يا سري والله
انا: عابوكي بقي بجد
القرار النهائي
هكمل فالأفتراضية علي ما الاقي حل اهرب بيه واروح لنفسي بقي
لو عجبتك التدوينة ده...اعمل فولو ليا
هتلاقيها حاجة ظاهرة كده عالجمب :D

دواير مغلقة!!

احنا عايشين فداوير مغلقة
الأنسان تراب...بعدها طفل...بعد شاب...بعدها عجوز بعدها تراب
الثورة بدأت حتي بخالد سعيد مات....بعدها ناس نزلت تاخد بحقه...بعدها احنا بننزل ناخد بحقه وحق اللي ماتو بعده
الدايرة مستمرة فعلا
مفيش جديد
يمكن نكون عارفين حتي نهاية اي فيلم احنا بنمثل فيه...بس بنحاول لما النهاية تطلع نعمل كأننا متفاجئين....بنحاول نمثل صح
اه احنا اساسا قاريين السيناريو من ساعة معرفنا الفيلم اللي احنا بنمثل فيه...بس بنقول لعل وعسل المخرج (الله) يغير اخر مشهد
لسه منتظرين حلم ان الدايرة تبقي مفتوحة
لسه منتظرين نهاية الفيلم
منتظرين اللقطة الأخيرة
منتظرين ان الخير هينتصر عالشر
مستمرين في ذكري موت خالد سعيد (الذكري الثانية)
اكتر من 1000شهيد مات ولسه مستمرين بنطالب بحقوقهم

اعلن ترشحي

اعلن انا محمد احمد سري الترشح في انتخابات مجلس شعب الأندر ايدج كمستقل حتي الأن
معلومات عني:انا محمد احمد سري ...السن 15عام...مواليد 28/8/1996 ...المهنة:طالب ومدون....انجازاتي:اني عديت ال1000فولورز :D وعملت جروب اسمه تجمع الاندر ايدج مع ايهاب عصام ويمكن ده اللي خلي يبقي فيه انتخابات مش بشكر فنفسي...كفاية كده عن انجازاتي
سأعتمد علي محورين اساسيين في برنامجي
المحور الأول:الشارع وده هنعمل فيه فاعليات لينا وتعريف بينا زي رش جرافيتي...اقامة مؤتمرات في احياء شعبية...اقامة حفلات موسيقية للمواهب الاندر ايدج...نعمل مسيرات حاشدة مننا...استكمال الثورة واجب علينا...احنا اللي هنجيب حق الشهداء
المحور الثاني: النت هيكون فيه توافق بأذن الله بين تيمات مختلفة زي كائنات وثورة معهاش بطاقة وطلاب مصر والمستقليين اللي زيي...بحيث اننا نرعي المواهب الصغيرة
العمل في مجلس شعب الاندر ايدج هو شرف لي...اسعي للحصول علي اصواتكم
لم ولن استخدم الأساليب القذرة في الدعاية الانتخابية ولن أثر علي الناخبين
الكلام المعسول مش فحملتي... برنامجي سهل التحقيق...فقط بالجد والاجتهاد
كانت نبذة عني وعن برنامجي
وفقني ووفقنا الله لما فيه الصالح لكل من هو اندر ايدج في مصر
شعاري
         الشارع هو الحل
من يريد الانضمام لحملتي: يمنشني هنا https://twitter.com/#!/serycolgy
الحملة التي ستكون معي...سأخذ برأيها في كل ماهو متعلق بالأنتحابات وعندما ادخل المجلس...سيكونو عونا ليا
محتاج متطوعين بجد...الشرط يكونو اقل من 18سنة

هناك مكان لايعلمه غيري

هفضل اخليك تلف وتدور حوالين نفسك كده شوية وتقعد تفكر
ايه هو المكان ده
فيه ناس هتقول ده مكان للرزيلة وناس تانية هتقول ده مكان للرزيلة برضه
تقريبا كل واحد فيكم هيفكر شمال 
اعذروني
المقدمة اهو طويلة...وده عادتي مع التدوينات اللي الخلاصة بتاعتها بتبقي كلمتين اساسا
الكلمتين دول هما
ان المكان الذي لا يعلمه غيري هو
نفسي......
مستغرب ليه وربنا نفسي
هي المكان اللي جوايا محدش يعرفه غيري
مكتوب فنفسي هنا مكان ترقد فيه جميع الافكار...هنا الضحك والهزار...هنا الحزن...هنا الحب....هنا الكره....هنا التناقضات...هنا السر الأعظم :D
وانتا برضه جواك نفس المكان اللي عندي
المكان ده يا سادة مصنع لكل حاجة جواك
ده المكان اللي لما بتكون مخنوق بتروحه وتكلمه ولما تكون فرحان بتفرحه معاك
بصراحة كان فيه كلام تاني فدماغي احسن بس جالي مكالمة ضرورية بخصوص شغل
فالكلام اختفي من هنا 
:D:D:D

اما لا ثورة....او لا ثورة

فالبداية كده انا جاي عشان اقول ان انا ضد مرسي وشفشق
فالأول قلت هبقي مع مرسي وامري لله عشان شفيق السبب فموقعة الجمل
بس رجعت وقلت برضه الأخوان سابوا اخواتنا يموتو فمحمد محمود ومجلس الوزراء وبعد احداث بورسعيد وفالعباسية برضه
انسي الثورة بجد
الناس رضيت بالأنتخابات والشعب قرف من المظاهرات
الثورة كده فشلت وانتهت ولأول مرة بقولها الثورة انتهت
فيه 3حلول
تنتخب مرسي وساعتها هنرجع لعصور ماقبل التاريخ وهيحكمونا بمبدأ السمع والطاعة
وهنتهم بالكفر وهيستغلو الدين لصالحهم ده غير طبعا انهم هيكوشوا عالبلد كلها عندهم مجلس شعب وشوري ولجنة تأسيس الدستور وكرسي الرئاسة 
الحل التاني شفيق وده طبعا هيرجع الأسلامين المعتقلات ويحبسنا احنا كثوريين ويرجع النظام القديم
الحل التالت بقي  اننا ننزل التحرير والميادين من جديد بس ساعتها هنتهم بالأنقضاض علي الديمقراطية واننا مخربين ومش بنرضي بأختيار الشعب
علي فكرة الناس اللي مستغربة من صعود شفيق كده
انتا تعرف اساسا ان شعبك اغلبيته اتقطع عيشه بسبب الثورة واللي حصل ليهم
والباقي شايف ان مفيش امن
فشايفين ان شفيق هو الحل بس كده انا خلصت
وشايف ان خلاص الشعب ده ميستحقش الثورة والدم اللي سال
الثورة لأول مرة تكون مش مستمرة
        الثورة انتهت وبغبائنا احنا اللي قضينا عليها ومشينا وراء النشطاء وكده

افكار اندر ايدج

مستغرب شكلك وانتا بتقرأ العنوان ده
وتقول ايه العبيط اللي بيكتب حاجة زي كده 
نسيت اقول لحضرتك أنا:محمد أحمد سري 15سنة
اندر ايدج يعني
بالنسبة ليا مش شتيمة
انا شايفها حاجة كويسة...اني ابقي اندر ايدج واتعرف علي ناس زي كده وكل واحد فينا جواه ملايين الأفكار
بس لما يكون حواليك اهلك اللي بينك وبينهم اساسا اكتر من 20سنة
بيحاولو يبحطوك
ويقولولك انتا لسه طفل واحنا حاولنا نعمل كذا وكذا ومعرفناش هتيجي انتا وهتعمل اللي انتا عاوزه بسهولة
نخش لصلب الموضوع اللي هو اساسا مش محتاج المقدمة الطويلة العريضة ده
الموضوع وما فيه انك اندر ايدج
جواك طموح وافكار
عاوز تطلعها وبتسأل هتطلعها ازاي
اقولك اكتب اي تويتة فالهاش تاج ده:

#افكار_اندر_ايدج

لمجرد بس انك تكتب اللي انتا عاوزه واللي بيجي فبالك

وقت متكون جاهز لفكرة طويلة دونها فالبلوجر بتاعتك

لو مش عندك هاتها وانا ادونهالك

ابتدي فكر واسئل اللي فسنك الفكرة ده تتنفذ ازاي علي ارض الواقع

اديك يا سيدي حولتها من فكرة فدماغك لمشروع

حتي لو الفكرة ده انك تقرا كتاب مثلا

كلها افكار

هتنقي افكارك

وهتلاقي جيش من سنك بيساعدك

حملة احتل وقتك :D

عمرك فكرت ولو مرة واحدة انك تعمل حاجة جديدة
اكيد عندك وقت فاضي كتير يسمحلك انك تعمل حاجة
حملة احتل وقتك تهتم بإنشاء افكار جديدة...خروج عن المألوف
طلع كل اللي جواك...ولو مفيش حاجة جواك فكر فحاجة جديدة
حقق اهداف الحملة...أخرج عن المألوف
هتحس بتغيير اكيد...سيب الإفتراضية اللي انتا فيها واعمل حاجات جديدة
لو انتا دلوقتي ففترة امتحنات...بعد متخلص مذاكرة فكر هتعمل ايه فأجازتك
لو انتا مش بتحب تقرا كتب...حاول تقرا كتب ...نزل من علي النت كتب الكترونية لو انتا مكسل تنزل تشتري
لو مهتم فالسياسة اقرا مذاهب سياسية وحاول تتعرف علي منافسينك
لو ليك فالرياضة وكرة القدم حاول تتفرج علي تنس وطايرة ويد وخلافه
لو مهتم بالثقافة اقرا موسوعات ثقافية جديدة
انا عن نفسي هاحتل وقتي من يوم 19مايو
هاعمل كل حاجة كان نفسي اعملها
هتكون اجازة غير طبيعية
هخرج عن المألوف
هحتل عقلي الجديد برضه بس بأفكار جديدة

قانون الثانوية الجديد

أقرأ....أفهم.....وزع :D

انا هتكلم فموضوع شاغلني وشاغل معظم الطلبة دلوقتي بصورة بسيطة جدا
الموضوع مبني علي 3محاور
المحور الاول:المصاريف وده هرد فيها علي سؤال الناس اللي بتقول أن ولي الامر كده بيستريح ومبيدفعش فلوش كتير
احب اقول لحضرتك انك غلطان اسمع مني للأخر
ولي الامر كان بيدفع مثلا 500جنيه فالشهر بإعتبار مثلا ان الدرس كان ب100جنيه هيدفع بقي لمدة سنتين يعني 500*22شهر=10000جنيه مصري لا غير
أما بقي دلوقتي هيبقي عندك 7مواد وطبعا المدرس هيزود الضعف عشان هو ضيع سنة من غير شغل يعني فالشهر والدك هيدفع 1400جنيه*11=15400جنيه بالصلاة علي النبي
وتقولي بوفر لولي الأمر مين فمصر هيصرف علي ابنه فالشهر 1400جنيه بس دروس!!!
نيجي بقي للمجور التاني وهو المناهج
ازاي لو انتا علمي علوم مثلا هتاخد كيمياء وفيزياء واحياء ورياضة وعربي وانجليزي ولغة تانية كل ده فسنة واحدة ...تخيل ومتقوليش هيقسمو المناهج علي سنتين...ليه انتا فاكرني من بنها...يعني المدرس هيهز طوله عشان يشرح نص منهج فسنة طويلة عريضة يعني الكيميا فسنة تانية 9ابواب هتتقسم علي اتنين يبقي فالسنة هياخدو 4.5 حد يصدقها غير الحمير والنبي
ازاي تاخد 7مواد فسنة واحدة !!!!
المحور التالت والاخير هو الضغط والوقت ازاي تديني سبع مواد فسنة والمفروض اني اذاكرهم عشان اتفوق
إذا كان الطالب دلوقتي بياخد 5مواد فسنة ومش ملاحق عالمذاكرة ومش عارف يلم مناهجه....أمال احنا نعمل ايه بقي...غير بقي ضغطك فسنة انك عاوز تنجح وتتفوق وتجيب تقديرات وكده يعني
نظام التعليم من اوله لأخره فاشل 
                                          لو عاوز تصلحه متبوظوش اكتر
مش عشان انتا القانون مش هيطبقي عليك متدعمنتش...لازم تدعمنا عشان الجيل الجاي اللي ممكن يكون ابنك من ضمنهم ميطبقش عليه القانون ده او اخوك الصغير
ده النهاية اي حد عنده اقتراح او تعليق علي كلامي يجي ويقولي علي تويتر عشان ميشتمنيش من ورا ضهري :D
ده لينك الوزير لما طلع فالحياة اليوم واتكلم عن القانون: http://www.youtube.com/watch?v=ckUJG-GRygc&feature=plcp
وده لينك البيدج عشان تبص عليها وتعملها لايك بالمرة:https://www.facebook.com/DdNzamAlthanwytAljdyd
وده الاكونت بتاعي علي تويتر عشان لما تيجي تشتمني بس قبل متشتم اعمل فولو:https://twitter.com/#!/serycolgy

10سنين فالتعليم المصري للأسف!!

اولا التعليم في مصر ينافس مستوي التعليم في دولة السراب

بمعني ان النظام في مصر مش موجود أساسا

كنت حابب ابقي حيادي واتكلم عن مساوئ التعليم فمصر وايجابيات التعليم في مصر

بس للأسف ملقتش اي ايجابيات غير انك بتروح تشوف صحابك فالمدرسة

هتكلم عن المساوئ بالنسبة للمعاملة والمناهج

بالنسبة للمعاملة :

معاملة سيئة بين الادارة والطالب وبين المدرس والطالب وبين الطالب والمدرس

1-المعاملة بين إدارة المدرسة والطالب بتختلف من مدرسة للتانية بس اغلبية الأدارات مش مهتمية بالطالب خالص ومش بتهتم بقدراته ومتخليش الطلاب يشاركو فمسابقات،ده غير طبعا شئون الطلبة انهم مش بيحلو مشاكل الطلبة ودايما بينصروا المدرسين زمايلهم حتي لو هما غلطانيين،اغلبية المدارس بيخلو انتخابات الأمناء بتوع الفصول بالتزكية عشان هو مثلا ابن مدرس زميلهم

2-بين المدرس والطالب وده بتتلخص فجملة واحدة لو بتاخد عندي درس هشيلك فوق راسي ولو مش بتاخد عندي درس هحطك تحت جزمتي

3-الطالب والمدرس:الطالب بيحترم المدرس الشديد عشان بس هو خايف منه،لكن مش بيحترم المدرس الكويس اللي مش بيتعامل مع التلميذ بالعصاية،يمكن نقدر نلخص المعاملة ده ان الطالب بيخاف من المدرس ابو عصاية يعني بيحب يتعامل بالكرباج،الإ مارحم ربي منهم اللي بيحترمو نفسهم ويحترمو مدرسهم ودول اصبحوا اقلية فمصر

أمل بقي بالنسبة للمناهج

مناهج عقيمة لا ترقي ان يتعلم عليها جيل يعشق النت والانفتاح المعلوماتي

مناهج تكاد تكون اعدت من ايام الانقلاب العسكري 1952

مناهج تحث الطلاب علي الرضوخ للحاكم

مناهج معدة خصيصا لكي تخرج اجيالا لا تستطيع ان يتقدم وينهض ببلده

مناهج تعتمد علي التلقين

****عذار لأن اسلوب الكتابة ركيك،لكن هذه الكتابة هي التي كنت اتعلمها فالمدرسة ويتحدث بها شوارع بلادي 

واخيرا كاريكاتيرات بتوضح التعليم عندنا
للتواصل: https://twitter.com/#!/serycolgy

في مجتمع ذكوري

النهارده اليوم العالمي للكائن الحي الذي طلق عليه المرأة وهي أنثي الإنسان
موضوع قصير في مجتمع ذكوري يميز الرجال علي النساء،تسلب من المرأة كل حقوقها وتأخذ فتات منها،في مجتمعنا الذكوري لو كنا في عصر الفراعنة لجعلوا الإنثي إله للتكاثر والجنس،فقد اصبح الناس ينظرون الي الانثي علي اساس انها اله التناسل ،ينظرو الي مفاتنها،نعم المجتمع يحتاج الي ثورة البنات،ليست هكذا انما المجتمع يحتاج الي ثورة فكرية شاملة تغير من مفهوم الناس،الي متي ينظر الناس للبنت انها جسم فقط وينظرو الي مفاتنها ولا ينظروا الي فكرها،الي متي ينظر الناس للبنت انها سلعة تباع وتشتري ،الي متي تكال البنت بمقدار ما يدفع لها من مهر،الي متي نراقب تصرفات اخواتنا وبناتنا،متي ستتحرر البنت من كل القيود،متي ننظر للبنت ان ليس عليها رقيب الا نفسها،متي ينظر للصداقة بين البنت والولد انها صداقة لمجرد الجنس
سامحوني علي هذا الموضوع فنحن في مجتمع ذكوري
لا يضع للإنثي اي اعتبار
ما أهمية اليوم العالمي للمرأة ونحن نحتقر المرأة بأمر الدين
أدينك يأمرك بذلك
الأديان لا تدعو الي عدم المساواة
من يقول ان البنت مكانها بيت زوجها
فهذا فرد فاشي
فكر بعقلك شوية فالموضوع ده،وحاول تتعامل مع الأنثي انها إنسانة مش جسم فقط

التعليم

التعليم

التعليم هو أساس تقدم المجتمع طب بص بقي يا معلم فكك من الجملة اللي فاتت عشان التعليم عندنا فالباي باي،مصر هي الدول الوحيدة اللي الطالب فيها بيدخل انسان ويخرج حمار،أي حد كان بيكتب عن موضوع التعليم في مصر بيقولك"هذا وقد كانت السيدة سوزان مبارك رائدة التعليم في مصر وهذه السيدة كانت مصلحة التعليم" طبعا بعد الكلام دهب تبقي عاوز ترجع،تعليم ايه اللي فمصر،مصر اصلا مفيهاش الحاجات المضرة بالصحة،الطالب المصري بيقعد يدرس سنتين حضانة و6سنين ابتدائي وتلاتة اعدادي وتلاتة ثانوي واربعة كلية وبعدين يخرج برضه مش فاهم حاجة يعني يقعد بالصلاة علي النبي 18سنة من عمره علي حاجة ملهاش أي خمسين لازمة

مراحل الطالب المصري:الطالب المصري بيعدي علي سنتين حضانة وعادي،بعدها يقعد 6سنين ابتدائي ويطلع اولي اعدادي ميعرفش يقرأوكان بياخد انجليزي من مدرس ابعد ما يكون عن اللغة وياخد علوم ودراسات ومبيستفدش بيهم وبعدها يخش علي مرحلة الاعدادية بياخد حاجات مش هتنفعه فحياته وبعدها يعدي بسلام وفأولي ثانوي بدل بقي ميدرس حاجة حاببها عشان يقدر يفيد لأب يدرس 10 مواد (كيمياء-فيزياء-احياء-فلسفة-جغرافيا-تاريخ-عربي-رياضة-انجليزي-لغة تانية)

طب الطالب اللي مثلا عاوز يخش ادبي يدرس مواد علمية يهبب بيها ايه وياريتها مواد علمية فعلا ده كلها نظريات وبتتحفظ وتيجي فالامتحان تلزقها فالورقة وتخلص منها،وبعدين يخدعوك ويقولولك هتتخصص فتانية ثانوي ولو انت ادبي بتاخد رياضة ومادة علمية ولو انت علمي يبتاخد مواد ادبية ليه؟؟

وبعدين يجي التنسيق الأعمي ويجبرك علي كلية انت مش حاببها فساعتها بقي هتفشل ومش هتلاقي شغل

نخش بقي علي شكل المدارس فابتدائي كل تلاتة فديسك وبعدين قاعدادي عشان انت كبرت بقي كل اتنين فديسك وفثانوي تلاقي 45 واحد ففصل ضيق

بالنسبة بقي للمدرسين فكل واحد من دول يكتب علي السبورة ويكروت المنهج ويقول مين هياخد درس خصوصي معايا واللي مش هياخد ملوش اعمال سنة

بالنسبة للوزير احم احم احم مين بيجيب سيرة الوزير،لأ يا باشا مش قصدي سعدته يطرحلنا فيه البركة،بس انا بقول الوزير بيبقي عدي ال50 سنة والمستشارين عدوا ال75 سنة والكتب من ايام محمد علي

وبعد كل ده واحد يجي ويقولي حرام عليك مفيش ولا ميزة فالتعليم،اقوله لأ فيه ميزة واحدة بس انك بتروح وتقابل صحابك يا معلم والكانتين بقي

انا بعد مكتبت الكلام ده ممكن كل واحد يفكر فحل

انا هقول اقتراحاتي لبناء تعليم جيد

بالنسبة لمراحل التعليم:أنا هدي للطالب بتاع ابتدائي واعدادي المواد اللي أنا عاوزها ،بس من أول أولي ثانوي تختار مجال التخصص ولتكن الثانوية 4 سنين وتتلغي الكليات وخلي بالك أنا مجرد بقول رأيي

أما بالنسبة للكتب:لو عاوزيين تغشونا وتقولو تأليف 2011 يبقي والله حرام عليكو،أصل الكتب ده تأليف 1952 ومحدش يقولي ليه عشان طبعا واضح فيها الأحتلال العسكري

اما بالنسبة للوزير:فأنا بقترح يكون الوزير عنده 35 سنة والمستشارين 28سنة كده يعني والوزير مياخدشي اكتر من 2000 جنيه ومحدش يخم ويحط 0 زيادة

ومحدش يجبر حد عالتعليم،اصل المدارس بقت ساحات بلطجة

اما بالنسبة للمدرسين فأحنا مش عاوزيين مدرس يمسك الطالب من ايده اللي بتوجعه اللي هي (أعمال السنة) ويجبروه ياخد دروس،عاوزيين ناس محترمة بقي وعاوزيين حد يفهم دماغنا،احنا عاوزيين شباب مش عاوزيين مدرسين بيكحو كل ميمسكو الطباشيرة

وبالنوسبة للسبورة غيروها بقي احنا زهقنا اعملوها بروجكتور احسن ونضفو الديسكات واهم حاجة تلغو الغياب اللي عاوز يحضر يحضر واللي مش عاوز براحته

والمناهج بقي مش عاوزيين فيها كركبة.

وخليك فاكر ده وجهة نظري مش لازم تحبها يعني اقتنع بيها بس أو اعرض وجهة نظرك يا معلم

-18

لاني -18
فأنا عندي افكار جديدة
شوفو جيلنا بيفكر ازاي وشوفو جيلكو بيفكر ازاي
احنا جيل فأجازة نص السنة ف2011 بنفتح التلفزيون لقينا في ثورة وشاركنا فيها ودعمناها وناس اتقتلت من صفوفنا
ودلوقتي بنقدم حلول عشان نخرج من الكبوة ده
انتا يا كابتن لو شايف انك تافه
قوم استغفر ربك وامسح التراب اللي علي دماغك
لأنك عندك افكار تنقلك وبلدك لقدام
انتا جواك فكرة
متتخلاش عنها ووصلها للناس
لو انتا موهوب زود موهبتك وانشرها
وادعيلي
لأنك -18 فأنتا عندك عدد لا حصر له من الأفكار



اهداء لصفحة:
   ثورة معهاش بطاقة

فإنتظار

الحمدلله انا دلوقتي انا فانتظار حاجات كتير جدا
عندي امل غير محدود
عندي امل فتصليح حاجات كتير فالمدرسة وقربت اوصل لحلول مع المدير
وبالنسبة للكتاب اديني خلصتو وبعتوا واحتمال كبير جدا يترفض
وبالنسبة للأفكار انا برضه منتظرها
انا في حالة الإنتظار عديها يارب

يوم 7 فبراير 2011

زي النهارده السنة اللي فاتت كنت فالبلد برضه بس راجع علي مصر برضه
احنا سافرنا يوم 3 فبراير بعد ماوالدي عرف اني بنزل التحرير فحب يبعدني عن كايرو
واحنا رايحين الجيش كان بيفتش الناس عالطريق الزراعي تفتيش شبه ذاتي اما علي الناحية اللي رايحة كايرو كان بيقفل الطرق وميخليش العربيات تعدي ويمنع اي حد انه يروح القاهرة
احنا تقريبا كنا العربية الوحيدة اللي متفشتش عشان ابويا وراه للعسكري البطاقة وكارنيه الشغل وخصوصا ان والدي شغال مدير عام في وزارة الدفاع بس مدني مش جيش
المهم الواحد مركزش وقعدنا لغاية يوم 7 فبراير وقررنا اننا نروح
قبل الظهر علي دخلة قليوب كنا واخدين بيجو فأنا قاعد قدام جمب السواق والطريق زحمة فشخ ومفيش عربيات بتعدي للقاهرة وكله بيرجعوهم
فأنا بقول للسواق هو فيه ايه راح قالي بيمنعو اي عربية انها تروح القاهرة بأي حجة
رحت قولتلو طب متعرفشي مكان تلف منه عشان تعدي الكمين ده راح قالي اه ولفينا من طريق جو قليون ووصلنا عند داخلة الدائري
المنطقة ده كانت اشبه بثكنة عسكرية بس عدينا منها
لما عدينا بقول للسواق هو كل يوم علي كده قالي اه احنا اصلا كل يوم بيمنعونا اننا نخش القاهرة عشان خايفين لحد يروح التحرير
ومبيعدوش اي عربية غير لما يتأكدو انها مفهاش شباب او اخرها بعد عبود
ده ملخص للي حدث زي النهارده وبرضه كنت راجع من البلد
وده ايميلي علي تويتر للمشاركة https://twitter.com/#!/mohamed_tweetat

عن الخولنة اتحدث

مفهومك ايه عن الخولنة
الخولنة يا سادة تعني لوم الضحية وانصؤ الظالم
هتلاقي منهم كتير فالشارع او فبيتك ممكن
تقوله البنت اتسحلت يقولك ايه اللي وداها
تقوله الناس اداست تحت المدرعة يقولك برضه اللي نزلهم
تقوله الناس بتموت فالاستاد يقولك وايه اللي وداهم يتفرجو علي كورة اساسا
هتلاقي مواقف كتير لنصرة الظالم ولوم المظلوم
لو افترضنا جدلا ان مصر 85 نسمة هتلاقي منهم 60 مليون خولات
ده مفهومي عن الخولنة
ربنا يرحم كل شهيد سالت دمه علي ارضك با طاهرة وميخفش هنجيب حقه ولو علي جثتنا

البس

افهمني صح انا مش قصدي حاجة غلط لا سمح الله
اولا:احنا لبسنا مبارك 30 سنة
ثانيا:احنا لبسنا طنطاوي سنة
يعني بحسبة بسيطة 30+1+27
يبقي احنا لبسنا 58 سنة عسكر
لو لسه عايز طنطاوي ومجلسه يكملو 6 شهور احب اقولك
البسسسسسسسسسسسسسسسسسسسسسسسسسسسس

انتا اناركي بالفطرة

اولا:انا مش اناركي بس حبيت اوضح حاجة بسيطة جدا يمكن ناخد بالنا منها
ان كل انسان عنده ميول اناركية يعني لا سلطوية فمثلا الانسان الحر 
لا يرضي أن :يكون عليه سلطة دينية او عائلية او اي سلطة تقمع حريته
اما الانسان العبد هو اللي بيبقي عاوز سلطة
فهنيئا للعبد ان يلوثوا هذه الحركة ويتهمونها بالعمالة

عمرك جربت

قد تستغرب من العنوان فهذا حقك لكن اقرأ الأول وشوف بيتكلم عن ايه

متخفش مش حاجات +18

اصبر بس وهتعرف عمرك جربت ايه

ده الموضوع عن الحوار
عمرك بقي جربت تسئل نفسك ليه الناس انتا شايفهم مش فاهمينك او ضدك في افكارك
فكر معايا يا معلم انتا اصلا فهمتهم فكرك
اقولك هما سمعو عن فكرك كلام عابر لكن مش عارفينه
يعني مثلا وده اللي كنت عاوز ابتدي بيه اصلا من الاول اللي هو كيف تتناقش مع الفلول
الفلول يا سادة انواع ويتدرجو في الترتيب يعني مثلا
1.الفل الكبير:وده تعريفه هو صاحب منصب كبير فالبلد وكان متعاون مع النظام وده عامة لا حوار معه كالمجلس العسكري والوزراء وروؤساء الشركات
2:الفل المتوسط:وهو صاحب مركز متوسط وهذا يجب ان تحاول السيطرة عليه
3.الفل الصغير:وهو مواطن بسيط ومصالحه توقفت وفهمه اعلامه ان السبب هو الثورة وده اهم فرض يجب السيطرة عليه لأنه الوقود

كيف تجعل وجهة نظرك رائعة وممكن يقتنع اللي قدامك بيها:
عندك كذا حل
الأول:وانتا بتجيب اي حاجة من عند سوبر ماركت او عيش من الفرن وده بالنسبة ليا احسن مكان بوضح وجهة نظري والأسواق
اقف اتكلم مع البياع وفهمه ووعيه ومع الناس اللي بتشتري اظن بقي ان ده مش هياخد من وقتك اكتر من 3 دقايق يا باشا
التاني:وانتا نازل بتعرض داتا شو في عروض كاذبون مثلا حاول تقف وتقرب من حد وتكلمه
الثالث:ده بالنسبة للاعلام واللي شغالين فيه لو انت مذيع احترم المشاهد ولو انتا كاتب اكتب بطريقة بسيطة


ملحوظة:وانتا بتتكلم متحسسوش انك ضده علطول ومتتكبرش عليه وحاول تعرضله وجهة نظرك علي حسب اللي قدامك ومستواه العلمي او المادي
خشله من اي سكة بس اهم حاجة انك تاخده بالراحة وتفهمه وتقنعه كمان
 اه نسيت اقول قوله علي قنوات عدلة غير ماسبيرو حاول تأثر عليه

بيان رقم واحد

بيان رقم واحد ليا:
انا المدعو:..........
اني هبطل حاجات كتير غلط كنت بعملها وعصيت ربنا فيها،وهحاول انضف نفسي
لذلك فقد قررت الأتي :نعمل سكان للموبايل عشان ننضفه من اللي في
بس برضه مش هبطل شتيمة
وهبتدي برضه اهتم بالمدونة
وهفضل اقول يسقط يسقط حكم العسكر علي طول
                                                                                                                
                                                                                                        والله الموفق والمستعان

القدس عربية الي يوم القيامة

أكاد اجزم أن السبب في ضياع القدس هو نحن العرب وليس الفلسطينين،فلا حل كي تعود القدس الا بالنضال المسلح وليس الفوضي المعروفة حاليا بالمفاوضات ،فامل دنقل قالت قصيدة لا تصالح
الثورات العربية هي الحل لطريق القدس لكي تعود الي العرب ،فاذا نجحت الثورة في مصر واليمن وسوريا واليمن والبحرين وليبيا وتونس،فبلا أدني شك سيؤثر ذلك في تحقيق استقلال القدس
القدس هو أولي القبلتين وثالث الحرمين الشريفين يا مسمين انهضو
الدفاع عن بيت المهد يا مسيحيو العرب انهضو
لن تنجح حماس وحدها يجب ان يدعمها جميع العرب ساعدوها بكل ما تملكون من قوة واسلحة ومال
لا تخفضو رؤسوكم للأدارة الامريكية
كما يمكنكم المشاركة في الهاش تاج :
https://twitter.com/#!/search/realtime/%23Blog4Quds